M-Bulletin-top
 

24 Julie 2017

Nasionale kleure vir Merensky skuts

Boogskiet 1

Armand Wiers

Ses skuts van Merensky Boogskietklub het die naweek van 15 en 16 Julie aan 2 afsonderlike byeenkomste deelgeneem.

Armand Wiers het op Saterdag, 15 Julie aan die Gautengse ABO 3Di Kampioenskap te Magnum Archery, Pretoria, deelgeneem. Ten spyte van winderige toestande behaal hy steeds ‘n eersteplek in sy afdeling.

Sean Hunt, Canell Jackson, Ricus Warmenhoven, Benéche Jackson en Martin Mostert het op 15 en 16 Julie aan die Noord Gautengse Veldkampioenskap by Archers Edge in Pretoria deelgeneem. Hulle het ‘n gemiddeld van 6 ure per dag in die veld deurgebring. Ricus skiet 2 en Martin 1 provinsiale kwalifisering. Canell skiet ook 2 nasionale kwalifiserings en behaal haar nasionale kleure vir 2017/18. Sean en Canell bring ook elk goud huis toe.

‘n Week later neem Lin-Mari Theron deel aan die Goldfield Binnenshuise Uitdaging en die Vrystaat Provinsiale Binnenshuise Kampioenskap. Op dag 1 was haar telling 297 uit 300 met 35 kolskote en op dag 2 was haar telling 292 uit 300 met 32 kolskote. Sy het albei dae nasionale kwalifiserende tellings geskiet en kwalifiseer ook vir haar nasionale kleure.

Boogskiet 3

Lin-Mari Theron

Boogskiet 2

Canell Jackson en Sean Hunt.

***

Amelia en Janco skitter by SA’s

SA Duathlon 3

Janco Coetzee en Amelia Middleton.

Op 2 Julie het Amelia Middleton en Janco Coetzee van Hoërskool Merensky aan die Suid-Afrikaanse Duathlon Kampioenskappe te Midmar Dam in Kwazulu-Natal deelgeneem. Hierdie kompetisie bestaan uit drie afdelings: hardloop, fietsry en weer hardloop.

Hierdie twee atlete het ten spyte van yskoue weerstoestande hul puik van hul taak gekwyt. Amelia spog met ‘n algehele vierdeplek, terwyl Janco ‘n breëbors vyfdeplek uit een-en-vyftig deelnemers behaal.

SA Duathlon 1

Amelia Middleton

SA Duathlon 2

Janco Coetzee

***

Plasie-krieketweek vier mondigwording

2017 Krieketweek 1

AJ Fourie in aksie.

Gedurende die eerste week van die winterskoolvakansie, het Hoërskool Merensky se tradisionele krieketweek vir die 21ste maal afgeskop.

Deelnemende spanne het van heinde en verre gekom om aan hierdie grootste skole-krieketweek deel te neem. Skole soos Waterkloof, Garsfontein, Middelburg, Brits, Zwartkops, EG Jansen, Randburg, Stanford, Pretoria-Noord, Heidelberg Volkskool, PHS en Merensky het met senior- en juniorspanne gekompeteer. 55 Wedstryde het op 11 velde in en om Tzaneen plaasgevind en gesorg vir skolekrieket uit die boonste rakke.

Tydens die gala-dinee is Rinus Jacobs van Hoërskool Merensky aangewys as beste junior bouler van die week. Hoërskool Middelburg stap weg as beste seniorspan van die week, terwyl Plasieland spog met die beste juniorspan van die toernooi.

Merensky se senior spankaptein, AJ Fourie, is opgeneem in die senior Merenskyweek “Dream Team”, terwyl Rinus Jacobs en Mubin Patel gekies is vir die junior “Dream Team”.

‘n Veer in die hoed van Plasie-afrigter, Aubrey van Renen, met sy toekenning as beste junior afrigter van die week.

Merensky bedank graag die volgende borge: Large Sekuriteit, Bidvest Food, African Jacana, Biltongbox, Royal Macadamia, Westvalia, Limpopo Melkerye, Houers Koöperatief, Vision Sport, Riebert Pretorius Boerdery, Lannie Motors, Beerseun Boerderye, Gravelotte Charcoal, Allesbeste, Adriaan Janse van Rensburg, Laeveld Fruit en Veg (Tzaneen), Allegrain en OK Sugarhill.

2017 Krieketweek 3

Beste junior afrigter, Aubrey van Renen en organiseerder, Pieter van der Merwe.

2017 Krieketweek 2

Beste junior bouler, Rinus Jacobs en organiseerder, Pieter van der Merwe.

***

Plasie-ruiters trotseer Fauresmith

Twee perderuiters van Plasieland het die berugte perde-uithourit te Fauresmith op 4 tot 6 Julie aangedurf.

Me. Alexandra Dreyer en Jehan Goosen (graad 11) het saam met 410 ander ruiters hierdie moordende rit van 204 km trotseer en oorkom.

Dreyer het as deel van die Limpopo standaardgewigspan individueel teen 99 ander ruiters gekompeteer en met ‘n tyd van 10 ure en 2 minute in die 23ste plek klaargemaak. Die span het in die agtsteplek geeindig.

Dapper Jehan Goosen het ook die 204 km voltooi, maar kon nie ‘n amptelike plek inneem nie, aangesien sy perd tydens ‘n inspeksiepunt gekramp het.

Alexandra Dreyer

Alexandra Dreyer

Jehan Goosen

Jehan Goosen

***

Plasies pronk op perde

Dominique Bond van Hoërskool Merensky het op 17 Junie aan die vierde Limpopo Reining & Western Performance Horse deelgeneem. Sy verwerf ‘n eersteplek in die Western Dressage, Novice Youth afdeling.

Op 29 Junie tot 2 Julie is die jaarlikse prysuitdeling van die National Reining & Western Performance Horse te Parys aangebied. Ook hier word Dominique Bond vereer met die toekenning National High Ranking Points vir Western Dressage in die 2017 Novice Youth afdeling.

Op die Western Mounted Games-front het 7 Plasie-ruiters aan die 6de kwalifiserende kompetisie gedurende die naweek van 22 Julie te Polokwane deelgeneem.

In vlak 0 behaal Kayla van Zyl ‘n eersteplek, en Jani van Zyl ‘n tweedeplek, terwyl Dominique Bond derde eindig.

Wandri Janse van Rensburg het in vlak 4 eerste geeindig, met Genevieve van der Merwe derde en Salomé Lombard in die vierdeplek.

Anri Janse van Rensburg spog met ‘n eersteplek in vlak 7.

***

‘n Handvol goud vir Merensky

Christelize Elbrecht 2

Christelize Elbrecht

Almal sal saamstem dat die unieke Presidentstoekenningsinisiatief by Hoërskool Merensky slegs vir vasbyters beskore is. Daarom is Plasieland trots op die vyftal deurdrukkers wie ook onlangs die gesogde goue status bereik het.

Aangesien hierdie program deelnemers toelaat om tot op 25-jarige ouderdom te kwalifiseer, het Christelize Elbrecht, hoofmeisie van 2015, onlangs haar finale goue sertifikaat ontvang. Sy studeer tans Bed aan die Noord-Wes Universiteit met spesialisering in Ingenieursgrafika en –ontwerp en Wiskunde.

Vier matrikulante voeg hul ook by hierdie prestige-groep. Valeriia Avdysh, Wanga Mboweni, Marlu McLean en Belinda Nzadi is Maandag, tydens saalopening by die skool, vereer. Dit bring Merensky se totale goue kandidate op 6 te staan.

Presidentstoekenning Goud

Wanga Mboweni, Belinda Nzadi, Valeriia Avdysh en Marlu McLean.

***

Plasie-kunstenaars betower

Thrilling Wednesday 1

Hayley Stephenson, Jenna Devenish en Celia Duvenhage open die konsert.

Hoërskool Merensky se MDDK (musiek-, dans-, drama- en kunsskool) het die tweede kwartaal op luisterryke wyse afgesluit met ‘n Thrilling Wednesday in die skoolsaal. Twee maal per jaar kry Plasie-kunstenaars die geleentheid om voor ‘n gehoor op te tree en só hul voortgesette vordering ten toon te stel.

Woensdag, 28 Junie het aan alle verwagtinge voldoen met ‘n puik program, bestaande uit ‘n verskeidenheid items wat strek van voordrag tot sang, dans en musiek. Die gehoor het heerlik meegeleef en die kunstenaars aangespoor om hul beste te gee.

Vir die eerste keer het die kunsleerlinge ook ‘n uitstalling van sketse en beeldhouwerk aangebied. Hierdie skool-binne-die-skool gaan van krag tot krag onder leiding van puik tutors.

Thrilling Wednesday 8

Jaco van Staden.

Thrilling Wednesday 9

Crystal Kirstein en Nicole Muller.

Thrilling Wednesday 7

Crystal Kirstein en Mienke Lombard.

Thrilling Wednesday 6

Ulrich Greeff en Dominique Blandin D Chalain.

Thrilling Wednesday 5

Suandrie Corbett, Jamie Robertson en Heinrich Schultz.

Thrilling Wednesday 4

Mariesa Schutte, Dezi Dreyer, Suné Hermann, Michaela Elbrecht en Lee Riley.

Thrilling Wednesday 3

Willem-Albert Ludick, Ruben Potgieter, Steph Lordan en Brett Richter.

Thrilling Wednesday 2

Cara Baker

***

‘n Laning val in Plasieland

WhatsApp Image 2017-07-19 at 18.24.49

Vir elke ding in hierdie lewe is daar ‘n keerdatum, raklewe, beste-voor-datum, noem dit wat jy wil. En dit is met groot hartseer dat ons moet aankondig dat ons immergewilde laning daardie datum bereik het.

Ons het oor die laaste paar jaar toenemend bewus geraak van die gevaar wat die bome vir toeskouers en voertuie inhou. Die kennis en raad van boomdeskundiges is ingekry om te kyk hoe ons die laning se lewe kon verleng. Die slotsom waartoe almal gekom het, was dat daar so kundig as moontlik te werk gegaan moet word om die laning stelselmatig te vervang, want die bome is reeds te oud en verswak. Dit was nie ‘n besluit wat ligtelik geneem is nie, maar terselfdertyd het ons besef dit kon ook nie onbeperk uitgestel word nie.

Daar is dan ook hierdie afgelope vakansie begin met die eerste fase om bome te laat verwyder deur ervare persone. Ons beoog om die laning te vervang met inheemse bome wat vorentoe vir die nuwe generasies dieselfde skadu, nostalgie en foto-oomblikke sal voorsien.

***
***
pop-ups-2017-algemeen
***
Andre-Lodges-Ad-Web
***
 
 
Powered by Mad Mimi®A GoDaddy® company