Geagte kollega vir die Koninkryk.
Jy kry periodiek inligting van ons by Koninkryksfokus. (vir meer oor wie ons is en wat ons bediening bied, klik hier of op die prentjie links.)
Vandag wil ek jou graag bekendstel aan...

Ons Gawe-en diensprofiel materiaal

Dit is meesal ’n uitdaging om lidmate in gemeentes betrokke te kry by dienswerk. Dikwels is dit omdat hulle nie altyd weet wat hulle gawes werklik is nie en daarom huiwer om hulleself aan te bied, of dalk ook omdat hulle onder die persepsie verkeer dat hulle aan sekere verwagtings moet voldoen of dalk vrees dat dit buite hulle persoonlikheid en gemaksone gaan plaasvind (uitgaan, getuig of preek), of dat dit net nie binne hulle praktiese situasie haalbaar sal wees (vrees vir “baie ure elke week”).

“Jou dissipelskapreis m.b.t. jou gawes, talente, persoonlikheid, passie en ervaring”

 Ek wil graag die materiaal wat ons ontwikkel het en met groot vrug by gemeentes aanwend met jou deel. Dis deel van Koninkryksfokus se Verpersoonlikingsproses om lidmate te help om elkeen volgens hulle unieke gawes en persoonlike profiel betrokke te raak by ’n gemeente se bediening volgens die Hand 1:8 hele Wêreld-gerigte strategie wat ons voorstaan.

Wat die materiaal bied:

 Die materiaal bied baie meer as net die tradisionele “ontdek jou gawes” kursus (wat dikwels daarna op die rak beland en selde geïmplementeer word in die praktyk). Ons het dit daarom ontwikkel om holisties en baie prakties al die behoeftes binne gemeenteverband aan te spreek. (Die titel is verduidelikend genoeg: “Jou dissipelskapreis m.b.t. jou gawes, talente, persoonlikheid, passie en ervaring”)
 Die kursus word so aangebied dat die mense wat deelneem en hulle gawes en persoonlikheidsprofiele so “ontdek”, terselfdertyd ook aan die gemeente se behoeftes en geleenthede vir diens bekend gestel word. Kursusgangers word dan uitgedaag (en gehelp) om ’n keuse te maak waar hulle betrokke wil raak om hulle beste “passing” te verkry.

Hoe om die materiaal aan te wend.

 Die ideaal sou wees om die kursus binne klein groepe oor ’n periode van 6 weke (40 dae) te doen (wat dan die voltooiing en verwerking van al die vraelyste daarvoor insluit). Ons sal graag help om die materiaal aan te bied en veral om die groepleiers daarin te begelei.
 ’n Voorbeeld van die program wat ons normaalweg by gemeentes aanbeveel kan hier afgelaai word.

Wat die gemeente daarby baat.

’n Biografiese opname wat al die inligting van elke deelnemer se eie aksieplan (wat vir hom of haarself opgestel word soos elkeen self besluit waarby en in watter mate of vlak van deelname), word uiteindelik aan die kerkkantoor verskaf om in ’n databasis opgeneem te word vir verdere opvolg deur diensgroepleiers. Die gemeente kan dan maklik die regte persone vir elke behoefte benader.